ફિલ્મ કલંકમાં આલિયા ઉપરાંત માધુરી દીક્ષિત, સોનાક્ષી સિંહા, વરૂણ ધવન, આદિત્ય રોય કપૂર અને સંજય દત્ત પણ કામ કરી રહ્યા છે. જ્યારે ફિલ્મ બ્રહ્માસ્ત્રમાં આલિયાની સાથે રણબીર કપૂર, અમિતાભ બચ્ચન અને દિવ્યેન્દુ શર્મા મહત્ત્વની ભૂમિકા ભજવતા જોવા મળશે.
શાહરુખ સાથે બીજી વાર જોડી જમાવશે આલિયા?
આટલી બધી વ્યસ્તતા હોવા છતાં પણ આલિયા ભટ્ટ ઇન્સ્ટાગ્રામ હેંડલ દ્વારા પોતાના પ્રશંસકોના સંપર્કમાં રહેવાનું ચૂકતી નથી. આવા જ એક પ્રશંસક દ્વારા એક પ્રશ્ર્ન પૂછાયેલો કે એ ફરી વાર ક્યારે શાહરુખ જોડે કામ કરશે? ત્યારે જવાબમાં આલિયાએ કહ્યું હતું કે હું પણ ઉત્સુક છું શાહરુખ સાથે ફરી વાર કામ કરવા માટે, પણ તમે પણ આ બાબતમાં શાહરુખને જરૂર કહેજો એમ તેણે પ્રશંસકને વિનંતીના સૂરમાં જણાવ્યું હતું. ઉલ્લેખનીય છે કે આલિયાએ શાહરુખખાનની સાથે સૌ પ્રથમ વાર ગૌરી શિંદેની ફિલ્મ ‘ ડિયર જિંદગી’માં કામ કર્યુ હતું. આ ફિલ્મમાં તેમની જોડી અને અભિનયના ઘણા પ્રેક્ષકોએ વખાણ કર્યા હતાં. હાલમાં જ આલિયાએ ફિલ્મ ગલી બોયનું શૂટિંગ પૂરું કર્યુ છે અને ઉપરોકત બે ફિલ્મો પણ ટૂંક સમયમાં આવી રહી છે ત્યારે સાલ ૨૦૧૨થી બોલીવૂડમાં પ્રવેશેલી આ અભિનેત્રી એક પછી એક ફિલ્મોમાં નોંધપાત્ર અભિનય કરીને પોતાને એક સારી અદાકાર તરીકે પ્રસ્થાપિત કરવા લાગી છે. આજે તેની ગણના બોલીવૂડની ટોચની અભિનેત્રીઓમાં થાય તો એમાં કોઇને નવાઇ ન લાગવી જોઇએ.
0 Comments:
Post a Comment